Kim Kardashian tat ħjiel ieħor dwar ir-relazzjoni tagħha ma’ Lewis Hamilton, hekk kif ammettiet li tinsab kuntenta ħafna mas-sieħeb tagħha.
Waqt episodju riċenti tal-programm The Kardashians, Kim, ta’ 45 sena, tkellmet dwar il-lista tagħha ta’ aktar minn 50 kwalità li kienet tixtieq issib f’partner romantiku. Meta ġiet mistoqsija dwar il-persuna f’ħajjitha, qalet li tissodisfa kull wieħed mir-rekwiżiti tagħha.
“Jien verament, verament kuntenta. Għalissa ma ngħid xejn aktar,” qalet Kim.
Ir-relazzjoni tagħha ma’ Hamilton saret pubblika wara li t-tnejn dehru flimkien f’diversi okkażjonijiet, fosthom f’Malibu u fil-Grand Prix ta’ Monaco, fejn is-sewwieq Brittaniku spiċċa fit-tieni post. Kim dehret ukoll fis-Singapore Grand Prix.
