Konġestjoni tat-traffiku nġemgħet fl-inħawi tal-Għadira wara li aktar kmieni seħħ inċident fi Triq il-Magħrfa l-Mellieħa.
Mill-ewwel informazzjoni li kiseb dan is-sit jidher li l-inċident seħħ meta vann li kien qiegħed jinstaq fid-direzzjoni lejn il-Mellieħa tilef il-kontroll u baqa’ tiela’ fuq struttura temporanja li hemm tifred il-karreġjati sakemm isir xogħol infrastrutturali li jinsab għaddej. Konsegwentament il-vann għalaq il-karreġġjata tal-vetturi li sejrin direzzjoni lejn iċ-Ċirkewwa u nħolqot konġestjoni kbira tat-traffiku.
It-triq nfetħet lura għan-normal wara li ġie assigurat li ma kienx hemm persuni li ndarbu.
