Gianni Infantino jinsab f’kontroversja ġdida wara li r-Repubblika Demokratika tal-Kongo tħalliet tipparteċipa fit-Tazza tad-Dinja minkejja li d-dipartiment legali tal-FIFA kien sab li l-goalkeeper, Lionel Mpasi, ma kienx eliġibbli biex jilgħab fil-kwalifikazzjonijiet.
Mpasi lagħab mat-timijiet taż-żgħażagħ ta’ Franza, iżda d-dokumentazzjoni meħtieġa biex jibdel l-affiljazzjoni tiegħu mar-Repubblika Demokratika tal-Kongo ma kinitx kompluta.
In-Niġerja, li tilfet post fit-Tazza tad-Dinja, ressqet ilment, iżda l-FIFA ddeċidiet li ma tieħu l-ebda azzjoni. Mpasi mbagħad lagħab kontra l-Ingilterra fit-Tazza tad-Dinja, f’partita li r-Repubblika Demokratika tal-Kongo tilfu 2-1.
Il-każ qajjem mistoqsijiet minħabba r-rabta bejn Infantino u Veron Mosengo-Omba, alleat tiegħu li aktar tard ġie elett mingħajr kontestazzjoni bħala president tal-federazzjoni tal-Kongo.
Il-FIFA ċaħdet l-allegazzjonijiet u insistiet li Infantino ma kellu l-ebda rwol fid-deċiżjoni. Madankollu, il-president tal-Federazzjoni Niġerjana, Ibrahim Musa Gusau, talab investigazzjoni indipendenti dwar il-każ.
