Fi tmiem il-ġimgħa li għaddiet sar l-ewwel kors għall-Umpires Maltin fil-Kumpless tal-Hockey f’Kordin fejn il-kelliem ewlieni kien Mark Jarvis. Dan tal-aħħar hu l-kap tal-umpires Ingliżi li hu responsabbli mill-iżvilupp ta’ dan is-settur.
Ħmistax-il persuna ħadu sehem f’dan il-kors li kien jinkludi r-regoli bażiċi tal-logħba, il-personalita tal-umpire, l-importanza tal-preparazzjoni qabel il-logħba u l-ħiliet assoċjati mal-kontroll ta’ partita hockey.
L-Assoċjazzjoni Maltija tal-Hockey qed torganizza dawn is-serje ta’ korsijiet sabiex tkompli tħeġġeġ aktar nies midħla fil-hockey sabiex jaqbdu l-karriera ta’ umpire.
Din tkompli wkoll ma’ sensiela ta’ korsijiet oħra li qed jiġu organizzati fosthom ukoll fil-coaching.