F’din it-tellieqa kien hemm tliet Amerikani, fosthom il-favorita u r-rebbieħa tal-midalja tal-bronż ta’ Tokyo, Gabby Thomas; żewġ Brittaniċi, fosthom iċ-champion tad-dinja tal-2019, Dina Asher-Smith; iċ-champion Olimpika tal-100m, Julien Alfred ta’ Santa Lucia; u Favor Ofili tan-Niġerja fost oħrajn.
Kien bidu veloċi minn Asher-Smith. Iżda Thomas marret fuq quddiem hekk kif daħlu fid-dritta u l-isprinter Amerikana u l-favorit rebaħ id-deheb!
Hija Gabby Thomas li rebħet id-deheb f’21.83, Alfred kisbet il-fidda fi 22.08 u Brittany Brown tal-Istati Uniti ħadet l-bronż fi 22.20 f’photo finish!
Tant kemm kienet stretta li 0.04 sekondi biss isseparaw it-tielet mis-sitta!
