L-Arġentina rritornat għar-rebħ b’mod impressjonanti wara li għelbet lil Costa Rica bl-iskor kbir ta’ 7-0 f’partita ta’ ħbiberija internazzjonali.
Nico Paz u Julian Alvarez skorjaw doppjetta kull wieħed, filwaqt li Franco Mastantuono wkoll niżżel ismu darbtejn fost l-iskorers. Alexis Mac Allister żied goal ieħor.
Paz fetaħ l-iskor fis-seba’ minuta, filwaqt li Alvarez irdoppja fil-35 minuta. Paz reġa’ skorja tliet minuti wara, qabel ma Alvarez għamilhom 4-0 ftit qabel il-mistrieħ.
Mastantuono skorja l-ħames goal fit-48 minuta, Mac Allister żied is-sitt wieħed fit-78 minuta, u Mastantuono għalaq il-festa tal-goals fid-88 minuta.
Din ir-rebħa tat sodisfazzjon lit-team ta’ Lionel Scaloni wara t-telfa ta’ 2-1 kontra l-Urugwaj.





