L-edizzjoni tal-Junior Eurovision Song Contest ta’ din is-sena, li sar ġewwa Pariġi, għadu kif intrebaħ mill-Armenja.
Kienet il-kantanta Malena li rrappreżentat dan il-pajjiż bid-diska “Qami Qami’ u li rnexxielha takwista total ta’ 224 punt.
Warajha kklasifikaw il-Polonja fit-tieni post b’218-il punt u Franza fit-tielet post b’187 punt.
Intant, Malta ġiet fit-12-il post fejn kisbet 97 punt. Bosta kienu dawk il-persuni li faħħru l-prestazzjoni eċċellenti li taw illejla Ike u Kaya. F’filmat li ttella’ fuq il-midja soċjali, iż-żewġ kantanti dehru ferħanin u ma naqsitx l-għajta ta’ Viva Malta.
