L-Asian Cup 2027, li kellha ssir fl-Arabja Sawdija, ġiet posposta bi kważi sena minħabba t-tensjoni u t-tħassib dwar is-sigurtà fir-reġjun.
Il-Konfederazzjoni Asjatika tal-Futbol (AFC) ikkonfermat nhar it-Tlieta li l-kompetizzjoni, li fiha se jieħdu sehem 24 team u li oriġinarjament kienet skedata bejn is-7 ta’ Jannar u l-5 ta’ Frar tal-2027, issa se ssir bejn it-23 ta’ Diċembru tal-2027 u l-21 ta’ Jannar tal-2028.
Id-deċiżjoni ttieħdet wara sensiela ta’ attakki fuq l-Arabja Sawdija, fosthom wieħed fatali fuq l-ajruport internazzjonali ta’ Riyadh, li qajjem tħassib dwar is-sigurtà u l-arranġamenti għall-ivvjaġġar.
L-AFC qalet li l-posponiment kien meħtieġ minħabba ċirkostanzi straordinarji, diffikultajiet loġistiċi u tfixkil fl-ivvjaġġar li affettwaw it-tħejjijiet.
