Minn Jannar ta’ din is-sena sal-1 ta’ Ottubru, daħlu 207 każ ġdid quddiem il-Qorti tal-Familja.
Kien il-Ministeru għall-Ġustizzja, ir-Riċerka u l-Innovazzjoni Clifton Grima li ħabbar dan fil-Parlament hekk kif kien qiegħed iwieġeb Mistoqsija Parlamentari tad-Deputata Romilda Zarb.
Fl-istess tweġiba tiegħu, il-Ministru Grima qal li matul l-2015 daħlu 281 każ ġdid quddiem il-Qorti tal-familja, filwaqt li s-sena ta’ wara daħlu 283 każ ġdid.
Kompla jgħid li matul l-2017 kien hemm 252 każ ġdid filwaqt li fl-2018 daħlu 302 każ ġdid.
Il-Ministru baqa’ jagħti rendikont sena b’sena tal-każ ġodda li daħlu fejn sostna li fl-2019 kien hemm 268 każ ġdid, filwaqt li fl-2020 daħlu 238 każ ġdid quddiem il-Qorti tal-Familja.
Matul is-sena li għaddiet daħlu 238 każ ġdid quddiem l-istess Qorti.
F’mistoqsija oħra separata li saret mill-istess Deputata, il-Ministru Grima ta rendikont ta’ kemm kienu l-każi li ġew deċiżi.
Fil-Parlament il-Ministru qal li minn Jannar ta’ din s-sena sal-1 ta’ Ottubru li għadda ġew deċiżi 207 każi filwaqt li s-sena ta’ qabel ġew deċiżi 238 każ.
Qal li fl-2015 u 2016 ġew deċiżi 281 u 283 każ rispettivament. Fl-istess tweġiba l-Ministru Grima qal li matul 2017 ġew deċiżi 252 każ filwaqt li s-sena ta’ wara ġew deċiżi 302 il-każ.
Fis-sena 2020 ġew deċiżi 238 każ filwaqt li fl-2021 kien hemm 282 każ li ġew deċiżi mill-Qorti tal-Familja.