Venezia FC ħabbru li ntlaħaq ftehim ma’ Spezia Calcio għat-trasferiment temporanju tal-attakkant internazzjonali Malti Kevin Cannavò sal-aħħar tal-istaġun 2026/27, bl-obbligu li t-trasferiment isir permanenti malli jintlaħqu ċerti kundizzjonijiet.
Cannavò ngħaqad ma’ Venezia fis-sajf tal-2025 u qatta’ l-istaġun ta’ qabel ma’ Cosenza, fejn għamel 38 dehra u skorja erba’ gowls.
F’Mejju li għadda, huwa kien irċieva l-ewwel sejħa tiegħu mat-tim nazzjonali Malti, fejn ġie inkluż mill-kowċ Emilio De Leo fl-iskwadra proviżorja għaż-żewġ logħbiet ta’ ħbiberija kontra s-Slovakkja u l-Azerbajġan, u eventwalment ġie inkluż fl-iskwadra finali.
