Għaxar timijiet nazzjonali Ewropej se jkunu qed jilbsu kits iddisinjati ġodda maħluqa minn adidas, il-fornitur il-ġdid għall-Iskema ta’ Assistenza tal-Kits tal-UEFA.
Imwaqqfa fl-2007, l-iskema tipprovdi ħwejjeġ tal-logħob u tat-taħriġ għall-assoċjazzjonijiet nazzjonali, u tiżgura li t-timijiet tagħhom ikunu jistgħu jidhru f’kits ta’ kwalità għolja u mfassla apposta li jirriflettu l-kultura u l-istorja tal-futbol tagħhom.
Għaż-żewġ staġuni li ġejjin, timijiet nazzjonali magħżula minn Andorra, il-Belarus, Ċipru, il-Gżejjer Faroe, il-Każakistan, il-Kosovo, il-Liechtenstein, il-Maċedonja ta’ Fuq, Malta u San Marino se jilbsu disinji uniċi ta’ adidas, żviluppati f’kollaborazzjoni mill-qrib mal-assoċjazzjoni rispettiva.
L-Iskema ta’ Assistenza tal-Kits tal-UEFA għandha rwol ewlieni fl-appoġġ tal-assoċjazzjonijiet nazzjonali, billi tiffinanzja l-aċċess għal kits tal-ogħla livell mfassal skont il-bżonnijiet tagħhom.
Adidas intgħażlu wara proċess ta’ offerti li enfasizza kriterji bħall-kwalità u l-affordabbiltà tal-prodott, il-personalizzazzjoni tal-kits u l-esperjenza fit-twettiq b’suċċess ta’ proġetti simili.
L-assoċjazzjonijiet nazzjonali li huma parti mill-Iskema ta’ Assistenza tal-Kits jibbenefikaw mis-servizz esklussiv tad-disinn tal-Locker Room ta’ adidas, li joffri varjetà wiesgħa ta’ soluzzjonijiet għad-disinn u l-ordni ta’ ħwejjeġ tat-tim personalizzati.
