Minn Cristian Muscat
Kif għażilt l-atletika fost minjiera ta’ sport ieħor?
Wara li kont ġinnasta nazzjonali għal aktar minn għaxar snin, kont naf li ma nistax ngħix mingħajr l-isport. Ħija kien jipprattika l-atletika u għalhekk, iddeċidejt li nipprova nibda nipprattika dan l-isport jien ukoll. Inizjalment bdejt nisprintja imma tliet snin ilu ddeċidejt li nipprova l-pole vault.
Ta’ kemm bdejt tipprattika l-atletika?
Tmintax-il sena (sprinting) u 20 sena (pole vault).
X’ħeġġek l-iktar biex tibda tipprattika dan l-isport?
Meta l-ewwel iddeċidejt li nagħti ċans lill-atletika dħalt fl-isprinting għax ħadt gost nara l-avveniment. Waqt li tħarriġt f’dan l-isport, ma ħassejtx li kien għalija. Ovvjament li ilni fil-ġinnastika għal tant żmien ħassejt li kelli bżonn xi ħaġa fuq il-linji ta ‘dak il-livell ta’ ħiliet. Iktar tard sirt naf li kien hemm kowċ tal-pole vault u rrealizzajt li dan kien tabilħaqq l-isport propizju għalija.
Liema unuri prinċipali rnexxielek tikseb fil-karriera tiegħek sa issa?
Tliet darbiet champion nazzjonali, Bronż fil-Logħob tal-Pajjiżi ż-Żgħar, u r-raba’ post fil-kampjonati Ewropej tat-timijiet. Din is-sena ksirt ukoll l-‘indoor record’ ta Malta.
Liema kien l-aħjar riżultat tiegħek sa issa?
L-aħjar qabża tiegħi hija dik ta’ 3.70m.
X’sagrifiċċji / ‘commitments’ partikolari jitlob l-isport li int tipprattika?
L-isport dejjem kien prijorità f’ħajti u għalkemm jiġi b’ħafna impenji qatt ma rajtu bħala sagrifiċċju. Jekk ifisser li ma noħroġx, jew li niekol ahjar biex insir atleta aħjar nagħmilha bil-ferħ.
Għalkemm l-atleti li tikkompeti magħhom huma wkoll ħbieb tiegħek, ninsab persważ li tidħol xi tip ta’ kompetizzjoni umana bejnietkom. Il-kummenti tiegħek.
F’għajnejja, jien il-kompetizzjoni tiegħi nnifsi, u dejjem inżomm f’moħħi l-għanijiet tiegħi.
X’kompetizzjonijiet prinċipali se tkun qed tieħu sehem fihom fil-futur qrib?
Għadu xejn ma ġie deċiż. Imma andi hafna kompetizzijonijiet li nixtieq nadem biex nikwalifika
Għandek xi ħolma partikolari li tixtieq tikseb fl-atletika?
Bħal kull atleta ieħor huwa li jmur jikkompeti f’logħob u kampjonati ewlenin bħall-Olimpijadi, il-Logħob tal-Commonwealth u l-Kompetizzjonijiet Mondjali tal-Atletika.
Għaddi messaġġ finali lil dawk it-tfal u / jew żgħażagħ li jixtiequ jibdew jipprattikaw l-atletika.
Minbarra li l-isport huwa delizzju tajjeb li jkollok f’ħajtek, inħoss li huwa essenzjali wkoll għall-iżvilupp tal-karattru. L-isport tani diversi valuri li sawwruni fil-persuna li jien illum. Mela jekk l-isport huwa xi ħaġa li qed taħseb dwarha, ipprova mur għaliha u dejjem iddedika qalbek għaliha!
