Wara ġimgħa oħra ta’ logħob mill-UEFA Champions League, hemm ċans li l-Italja jerġa’ jkollha l-ħames tim f’din il-kompetizzjoni prestiġġjuża minħabba r-riżultati pożittivi li qed iġibu l-klabb Taljani.
Fil-fatt wara s-suċċessi ta’ Juventus u AC Milan u d-draw ta’ Bologna kontra Benfica, il-punteġġ fil-klassifikazzjoni tal-UEFA kompla bl-Italja li qabżet lill-Portugall fit-tieni post. Attwalment huma l-Ingilterra li jinsabu l-ewwel fir-ranking staġjonali tal-UEFA bi Spanja li b’sorpriża qed tokkupa r-raba’ post u l-Ġermanja fil-ħames.
