Mikel Arteta laħaq ftehim dwar kuntratt ġdid u mtejjeb maċ-champions renjanti tal-Premier League, Arsenal.
Il-kuntratt attwali tal-coach Spanjol kellu jintemm fi tmiem dan l-istaġun, iżda n-negozjati għal estensjoni kienu għaddejjin għal diversi xhur. Issa Arteta laħaq ftehim finali mal-club biex ikompli fit-tmexxija tat-team.
Għadu ma ġiex konfermat it-tul taż-żmien tal-kuntratt il-ġdid, iżda huwa mistenni li jżomm lil Arteta mal-Gunners għal mill-inqas 10 snin fl-Emirates Stadium, wara li ngħaqad mal-club f’Diċembru tal-2019.
Il-kuntratt il-ġdid se jinkludi wkoll żieda sinifikanti fil-paga tiegħu. Arteta bħalissa jaqla’ madwar £10 miljun fis-sena, flimkien ma’ £5 miljun f’bonuses, u l-ftehim il-ġdid se jtejjeb dawn il-kundizzjonijiet.
Arteta qal il-ġimgħa li għaddiet li l-partitarji m’għandhomx għalfejn jinkwetaw dwar il-futur tiegħu, hekk kif esprima x-xewqa tiegħu li jibqa’ mal-club u qal li huwa “estremament kuntent u grat ħafna” li jaħdem man-nies ta’ madwaru.
