Arsenal se jappellaw kontra l-karta ħamra diretta li ngħata Max Dowman, ta’ 16-il sena, fil-konfront kontra Fleetwood Town fl-Aħħar 16 tal-League Cup.
Iż-żagħżugħ tkeċċa fil-85 minuta wara li rreaġixxa għal intervent qawwi ta’ Harrison Neal.
Il-partita ntemmet 1-1, iżda Fleetwood għelbu lil Arsenal 5-3 bil-penalties.
Jekk it-tkeċċija tibqa’ fis-seħħ, Dowman jiffaċċja sospensjoni ta’ tliet partiti. Din kienet it-tieni karta ħamra tiegħu dan ix-xahar. Sadanittant, il-coah Mikel Arteta esprima d-diżappunt tiegħu dwar l-imġiba tal-player żagħżugħ.
