L-eks president tal-FA Spanjola tal-futbol (RFEF), Luis Rubiales, ġie arrestat bħala parti minn investigazzjoni dwar korruzzjoni.
Huwa ġie arrestat mal-wasla tiegħu f’Madrid, mir-Repubblika Dominikana.
Huwa suspettat li rċieva kummissjonijiet illegali meta kien qed jinnegozja ftehim ta’ qligħ biex itella’ l-kompetizzjoni tas-Super Cup Spanjola fl-Arabja Sawdija.
Il-prosekuturi qed ifittxu sentenza ta’ sentejn u nofs ħabs għas-Sur Rubiales, li jiċħad kull aġir ħażin.
Wara li niżel mill-ajruplan, ittieħed ġo vann iswed flimkien ma’ diversi membri tal-Gwardja Ċivili.
Il-pulizija issa għandhom 72 siegħa biex jistaqsu lis-Sur Rubiales, li kien fir-Repubblika Dominikana meta l-pulizija fittxet fid-dar tiegħu, ix-xahar li għadda.
Huma fittxew ukoll il-kwartieri ġenerali tal-federazzjoni tal-football u għamlu diversi arresti.
Rubiales ukoll separatament għandu jitressaq ġuri għal attakk sesswali talli bies lill-player, Jenni Hermoso, fuq xofftejha wara l-finali tat-Tazza tad-Dinja tan-Nisa, fis-sajf li għadda.
Hermoso u sħabha qalu li l-bewsa ma kinetx konsenswali.
Rubiales kien sfurzat jirriżenja, iżda ċaħad kull aġir ħażin.
