Marsa St Michael u San Ġiljan Saints kisbu rebħiet identiċi sabiex bdew l-istaġun tagħhom fl-ewwel diviżjoni tal-MAFA bl-aħjar mod possibbli.
Marsa St Michael għelbu lil San Ġwann Pro Evolution Academy bl-iskor ta’ 2-0.
It-tim immexxi minn Glenn Vassallo irnexxielu jiskorja fl-ewwel għaxar minuti sabiex aċċetta ruħu mill-ewwel tliet punti tal-istaġun.
Min-naħa tagħhom, it-tim Franċiż ipprova xi tip ta’ reazzjoni iżda d-difiża soda Marsija ftit tat spazju lill-attakkanti tagħhom.
Essa Benatiya poġġa lill-Marsin minn fuq wara biss żewġ minuti sabiex Lamin Jaiteh żied ieħor wara azzjoni personali fejn fiha qabeż ukoll lill-goalkeeper avversarju.
Referee kien Jonathan Balzan.
San Ġiljan Saints irnexxielhom jirbħu wkoll 2-0 din id-darba kontra t-tim promoss ta’ Balluta Barracudas.
Kienet rebħa mistħoqqa għas-Saints li sabu żewġ gowls fl-ewwel kwarta li kienu biżżejjed sabiex jiddeċiedi l-konfront.
Thomas Mifsud wettaq awtogowl wara 11-il minuta sabiex Marcus Crowther żied ieħor tliet minuti wara.
Referee kien Jean Pierre Mifsud.
Mill-kampjonat tat-tieni diviżjoni, Għaxaq Wolves kisbu rebħa kbira ta’ 6-1 kontra Buġibba Club de SWAT fil-grawnd ta’ Ħal Qormi.
It-tim immexxi minn Dylan Agius kien f’forma mill-aqwa u wara din il-wirja bla dubju li se jkun wieħed mill-protagonisti għar-rebħ tal-kampjonat.
Diego Fernando Pereira kien strumentali meta skorja tliet gowls għal Wolves b’Rodney Grixti, Dhonatan Santos da Hora u Karl Dalli li għalqu l-partita għat-tim tagħhom.
Buġibba naqqsu l-marġni tal-iskor minn Roshan Pushparaj.
Referee kien Milos Kristic.
Mqabba Albions u Birkirkara St Joseph temmew il-konfront ta’ bejniethom fi draw ta’ 1-1. Mqabba kellhom diversi ċansijiet lejn il-lasti avversarji fejn laqtu wkoll il-lasta.
Minkejja kollox, kienu Birkirkara li marru minn fuq minn Rene Duca sabiex Shaun Abela ġab l-iskor indaqs għal Mqabba.
Referee kien Reno Galea.
Naxxar Victorians irnexxielhom jibdew il-kampjonat tat-tielet diviżjoni b’rebħa minima iżda prezzjuża ta’ 1-0 kontra l-ġirien Mosta Vikings.
L-uniku gowl li ddeċieda l-partita wasal fit-62 minuta minn Luke Mifsud.
Referee kien Pasquale D’Errico.
KLASSIFIKA – MAFA L-EWWEL DIVIŻJONI
San Ġiljan Saints, Marsa St Michael’s, Valletta St Paul’s 3, Swieqi Braves, Valletta Stars St Dominic 1, Senglea Gunners, Balluta Barracudas, San Ġwann Pro Evolution Academy 0.
KLASSIFIKA – MAFA IT-TIENI DIVIŻJONI
Għaxaq Wolves, Gudja Wanderers, Ta’ Ġiorni Wanderers 3, Mqabba Albions, Birkirkara St Joseph 1, Attard Edex Kings, Żebbuġ Youngsters, Buġibba Club de SWAT 0.
KLASSIFIKA – MAFA IT-TIELET DIVIŻJONI
Ħal Far Titans, Naxxar Victorians 3, Kalkara Flames, Mosta Vikings 0, Ħamrun Amateurs (still to play first match)
