Il-ħames ġurnata tat-Tazza tan-Nazzjonijiet 2026 kien waħda intensiva għat-timijiet Maltin bil-plejers li qed jirrappreżentaw lil pajjiżna li kisbu riżultati mħallta iżda ferm inkoraġġanti f’diversi kategoriji.
It-tim A tal-irġiel impressjonaw b’rebħa kbira ta’ 18-7 kontra Ġibilta’, qabel komplew fuq l-istess ritmu u għelbu lil Irlanda ta’ Fuq 14-11, riżultat li juri l-konsistenza u l-kwalità tat-tim Malti.
Fil-kompetizzjoni tal-irġiel B, it-tim B tal-irġiel kellhom bidu diffiċli meta tilfu 15-10 kontra Wales Mens B, segwita minn telfa oħra 10-15 kontra Skozja B1. Madankollu, huma rkupraw b’mod impressjonanti aktar tard fil-ġurnata meta għelbu lil Spanja B1 b’riżultat dominanti ta’ 22-3.
Prestazzjoni notevoli waslet mit-tim tas-Seniors li kisbu rebħa tajba ta’ 15-10 kontra BAF Seniors A, u aktar tard żiedu suċċess ieħor drammatiku meta għelbu lil Awstralja A 13-12 f’konfront missielta sal-aħħar.
Fil-livell taż-żgħażagħ, Malta U23 A bdew tajjeb b’rebħa ta’ 15-10 kontra Wales U23 B, iżda aktar tard sofrew telfa minima ta’ 12-13 kontra Wales U23 A, f’logħba bilanċjata ħafna.
Fuq livell individwali, Luke Said kiseb suċċess importanti meta għeleb lil Hugh Tomson 5-3, riżultat li wasslu biex jikkwalifika għall-kwarti tal-finali jew aħjar l-aħħar tmienja tal-kompetizzjoni..
Illum tintlagħab is-sitt ġurnata fejn it-timijiet Maltin ikunu involuti f’dawn il-logħbiet :
08:00
- Malta Men’s A vs Wales Men’s A
- Malta Seniors A vs Gibraltar Seniors A
11:00
- Malta Seniors A vs Northern Ireland Seniors A
- Malta Men’s B vs Spain Men’s B
14:00
- Malta U23 A vs Ireland U23 A
17:00
- Malta Men’s B vs Scotland Men’s B
- Malta U23 A vs Scotland U23 B
20:00
- Malta Men’s B vs Wales Men’s B1
- Malta Men’s A vs Mexico Men’s A