Minn Cristian Muscat
VALLETTA…………………….4
ZABBAR ST PATRICK……..2
Permezz ta’ wirja ta’ karattru Valletta dawru telfa f’rebħa ta’ 4-2 fuq Zabbar St Patrick permezz ta’ tliet goals fit-tieni taqsima.
Il-Beltin għamlu l-intenzjonijiet tagħħom ċari mal-ftuħ tal-partita u wara biss ħames minuti, Ignacio Manuel Morello, resaq viċin meta t-tentattiv tiegħu għadda ftit barra.
Żewġ minuti wara, freekick insidjuż ta’ Roko Prsa ġie salvat tajjeb mill-goalkeeper ta’ Zabbar, Patrik Mohorovic.
Il-Beltin komplew jiddominaw u fid-disa’ minuta, Alex Aguilar De Gomes għadda tajjeb lejn Andrea Zammit li mill-viċin tefa’ ġewwa, iżda r-referee Matthew Degabriele, kien pront u ħassar dan il-goal minħabba pożizzjoni ta’ offside.
Valletta reġgħu resqu viċin li jiftħu l-iskor fit-13-il minuta meta Zammit approfitta minn clearance erratika ta’ Mohorovic, u indirizza l-ballun f’lasti vojta iżda l-captain ta’ Zabbar, Strahinja Jovancic, salva l-ballun proprju minn fuq il-linja fatali.
Iżda, fis-17-il minuta, kontra x-xejra tal-logħob, iż- Żabbarin fetħu l-iskor permezz ta’ xutt mid-distanza ta’ NICOLAS LANCIONI li ħasad għal kollox lill-goalkeeper Belti, Adilson Aguero Dos Santos.
Valletta wettqu reazzjoni u fil-31 minuta rebħu penalty meta Zven Polidano waqqa’ lil Zammit fil-kaxxa, bir-referee jikkonferma d-deċiżjoni wara li kkonsulta l-FVS.
Mill-11-il metru, l-istess ANDREA ZAMMIT ma żbaljax hekk kif permezz ta’ xutt fil-baxx tefa’ l-ballun naħa u lil Mohorovic in-naħa opposta.
Il-partita kompliet tisbieħ u fl-40 minuta kien imiss lil Zabbar li jingħataw penalty meta Adilson Aguero Dos Santos waqqa’ lill-awtur tal-ewwel goal Żabbari, Lancioni, fil-kaxxa … biex MARIO FONTANELLA ma ħafirx.
Il-pressjoni kienet kollha fuq Valletta u fil-ftuħ tat-tieni taqsima ħarġu fuq l-offensiva u, fit-62 minuta kisbu d-draw meta minn azzjoni ta’ corner mogħti mis-sostitut Petar Sekulovic, is-sostitut l-ieħor, NEIL ANTHONY MICALLEF, xeħet fix-xibka bir-ras biex dan kien proprju l-ewwel goal fil-karriera tiegħu.
Huma komplew jippressaw u, fis-76 minuta, ingħataw penalty ieħor meta Strahinja Jovancic waqqa’ lil Bruno Gomes fil-kaxxa … biex ANDREA ZAMMIT reġa’ ma falliex u rreġistra d-doppjetta personali.
Żewġ minuti wara, il-Lilywhites issiġillaw ir-rebħa b’xutt mid-distanza ta’ DIOGO TAVARES li ħasad għal kollox lill-goalkeeper, Mohorovic.
Valletta: Adilson Aguero Dos Santos, Mattias Ellul (Diogo Tavares 46), Andrea Zammit, Brandon Paiber (Bruno Gomes 58), Jake Azzoaprdi, Roko Prsa (Petar Sekulovic 58), Alex De Aguilar Gomes (Keyon Ewurum 89), Emmanuel Moise Mbende, Sava Radic, Thaylor Aldama, Ignacio Manuel Morello (Neil Anthony Micallef 58) – Coach: Shane Micallef
Zabbar SP: Patrik Mohorovic, Nicolas Lancioni (Kaiden Fenech 83), Charles M’Mombwa, Joao Henrique Carnargo, Jake Micallef, Strahinja Jovancic, Zean Leonardi, Zven Polidano (Thomas Melillo 71), Andre Moriceu (Shelom Magri 89), Adnan Basic (Jurgen Pisani 71), Mario Fontanella (Liam Micallef 83) – Coach: Gilbert Agius
Referee: Matthew Degabriele
assistenti: Jurgen Spiteri, David Castillo
Raba’ Uff.: Alex Johnson
Skorers: N. Lancioni 17, M. Fontanella 41 pen (ZSP), A. Zammit 31 pen, 76 pen, N. A. Micallef 62, D. Tavares 78 (V)
Ammoniti: J. Mafra, T. Moriceau (ZSP), T. Aldama, B. Paiber, A. Aguero Dos Santos (V)
Player tal-Logħba: Andrea Zammit (Valletta)
