Aktar minn 300,000 persuna fil-Kanada qegħdin jesperjenzaw qtugħ mill-provvist tal-elettriku kawża ta’ maltempata qawwija ta’ silġ.
Din il-maltempata li qiegħda tolqot l-aktar Ottawa, Quebec u Ontario, wasslet għal avviż mill-provditur tal-elettriku Hydro One li assigura li sa l-1 ta’ April il-provvista tal-elettriku se tirritorna għan-normal.
L-istess provditur spjega li l-maġġoranza tal-qtugħ fil-provvista huwa dovut għal ħsara kkawżata minn siġar mimli silġ.
Il-belt ta’ Orillia f’Ontario ddikjarat stat ta’ emerġenza minħabba din il-maltempata hekk kif xita ffriżata qiegħda tkompli tikkawża qtugħ ta’ dawl f’ħafna residenzi, problemi u perikli fit-toroq u ħsara f’infrastruttura kemm pubblika kif ukoll privata.
