Man Utd v Athletic Bilbao – Manchester United se jikkontestaw il-finali tal- UEFA Europa League kontra Tottenham Hotspur meta, fit-tieni leg tas-semi-finali, f’darhom ħarġu rebbieħa bl-iskor ta’ 4-1 kontra Athletic Bilbao biex ikkwalifikaw b’aggregate ta’ 7-1.
Kienu l-Ispanjoli li fetħu l-iskor fil-31 minuta meta Harry Maguire kklerja ħażin u minbarra l-kaxxa Mikel Jauregizar dawwar il-ballun għar-rokna tas-saqaf tax-xibka.
Iżda Mason Mount (72, 92), Casemiro (80) u Rasmus Hojlund (85) dawru r-riżultat favur il-United.
Bodo-Glimt v Tottenham – Tottenham Hotspur marru n-Norveġja u għelbu lil Bodo-Glimt bl-iskor ta’ 2-0 biex ikkwalifikaw b’aggregate ta’ 5-1.
Wara taqsima mingħajr goals, fit-63 minuta Spurs fetħu l-iskor meta, minn azzjoni ta’ corner, Cristian Romero niżżel bir-ras lejn Dominic Solanke li mill-viċin ma żbaljax … u seba’ minuti wara Pedro Porro ssiġilla r-rebħa.
UEFA CONFERENCE LGE
Fiorentina v Real Betis – Real Betis se jilagħbu l-finali tal-UEFA Conference League kontra Chelsea meta fit-tieni leg tas-semi-finali spiċċaw fi draw ta’ 2-2 kontra Fiorentina wara l-ħin barrani għal aggregate ta’ 4-3. Għall-Ispanjoli skorjaw Antony (30) u Abde Ezzalzouli (97) filwaqt li Robin Gosens (34, 42) skorja għall-Viola.
F’dan it-tieni leg huma ħarġu rebbieħa bl-iskor ta’ 1-0 b’goal minn Kiernan Dewsbury-Hall (38) biex għaddew għall-finali b’aggregate ta’ 5-1.
Chelsea v Djugarden – Din il-partita għal Chelsea kienet biss formalitá wara li barra minn darhom, fl-ewwel leg, kienu diġá għelbu lil Djugarden bl-iskor ta’ 4-1.
