Manchester United se jkollhom jagħżlu bejn li jiffirmaw lil Antony jew lil Lisandro Martinez, hekk kif Ajax mhumiex lesti li jħallu liż-żewġ players jitilqu dan is-sajf.
Il-manager il-ġdid tar-Red Devils Erik ten Hag huwa maħsub li hu ħerqan li jġib miegħu kemm lil Antony kif ukoll lil Martinez f’Old Trafford, b’dan tal-aħħar joħroġ bħala l-mira difensiva ewlenija tat-team wara li Jurrien Timber għamilha ċara li ried jibqa’ f’Amsterdam għal sena oħra. .
Madankollu, Ajax qed jagħmlu minn kollox biex l-iskwadra tagħhom ma tirvinax ruħha dan is-sajf, li jfisser li kemm Antony kif ukoll Martinez mhux se jitħallew iħallu l-club.
