Manchester United ftiehmu mad-difensur u midfielder Urugwajan Manuel Ugarte sabiex jingħaqad magħhom fil-jiem li ġejjin. Huwa għandu 23 sena u kien qed jilgħab ma’ Paris St Germain fi Franza. Fl-istaġun li għadda hu deher 23 darba mal-Pariġini iżda qatt ma rnexxielu jsib ix-xibka. Mal-Urugwaj hu membru regolari fl-ewwel ħdax fejn s’issa deher 22 darba.
Il-kowċ ta’ Manchester United Erik Ten Hag laqa’ b’ferħ kbir din l-aħbar hekk kif issa għandu aktar għażliet fid-difiża u anke nofs il-grawnd.
