Marco Asensio rrifjuta offerti mingħand Tottenham Hotspur u AC Milan fit-tieqa tat-trasferimenti tas-sajf peress li huwa determinat li jiġġieled għall-futur tiegħu ma’ Real Madrid.
L-internazzjonali Spanjol tħabat biex jibda mal-ewwel 11 f’dan l-istaġun, billi ġie utilizzat bħala sostitut fit-tieni taqsima fl-ewwel tliet logħbiet tal-La Liga ma’ Real Madrid.
L-ex winger ta’ Mallorca, Asensio qatta’ l-aħħar seba’ snin mal-Los Blancos, tnejn minn dawk mislufa, iżda huwa mifhum li ġie offrut iċ-ċans li jħalli l-club matul ix-xahar li għadda.
Jingħad li Tottenham u Milan għamlu kuntatt maż-żagħżugħ ta’ 25 sena, b’mod partikolari Spurs li kienu ħerqana biex jakkwistawh.
Madankollu, Asensio apparentement irrifjuta dawk l-avvanzi peress li jrid isir player regolari għal Real Madrid taħt Carlo Ancelotti ladarba jirkupra kompletament wara li weġġa’ l-irkoppa.
Ancelotti beħsiebu jutilizza lil Asensio f’pożizzjoni aktar ċentrali, fejn il-ġganti Spanjoli għandhom inqas għażliet.