L-eks kowċ ta’ Juventus Massimiliano Allegri qed jissemma’ li jista’ jkun il-kowċ il-ġdid tat-tim nazzjonali Serb.
Dawn tal-aħħar għadhom kemm ġew eliminati minn EURO 2024 meta kisbu żewġ punti minn tliet logħbiet.
Hemm possibbiltá kbira li l-kowċ attwali Dragan Stojkovic iħalli l-kariga u jkun hemm il-ħatra ta’ ieħor ġdid.
Allegri hu isem popolari fil-kurituri tal-federazzjoni Serba għalkemm dan l-aħħar qed jissemmew ukoll żewġ Taljani oħra u dawn huma Stefano Pioli u Maurizio Sarri.
