Matthew Azzopardi kiteb l-istorja fl-atletika Maltija billi kkwalifika għall-finali tat-800 metru tal-irġiel fil-Logħob Olimpiku taż-Żgħażagħ f’Dakar 2026.
Iż-żagħżugħ ta’ 17-il sena spiċċa fil-ħames post fis-semifinali tiegħu b’ħin ta’ 1:58.09, u b’hekk assigura postu bħala l-aktar atleta veloċi fost dawk li ma kkwalifikawx awtomatikament.
Skont Athletics Malta, Azzopardi sar l-ewwel atleta Malti li wasal f’finali tal-atletika fil-Logħob Olimpiku taż-Żgħażagħ.
Illum, l-10 ta’ Novembru, huwa jerġa’ lura fuq il-korsa biex jikkompeti fil-finali.
