Chelsea identifikaw lid-difensur ċentrali ta’ Juventus, Matthijs de Ligt bħala l-aqwa mira tat-trasferiment tagħhom.
Il-Blues rabtu lil Thiago Silva b’estensjoni ġdida tal-kuntratt, iżda għad hemm inċertezza dwar il-futur ta’ Antonio Rudiger, Andreas Christensen u Cesar Azpilicueta.
B’riżultat ta’ dan, Thomas Tuchel mistenni jkun fis-suq għal difensur ċentrali ġdid fl-2022, b’Jules Kounde għadu maħsub li jinsab fuq ir-radar tal-Blues wara li s-sajf naqsu milli jakkwistaw lill-player ta’ Sevilla.
Madankollu, Chelsea lesti jagħmlu offerta sostanzjali biex jiffirmaw lil De Ligt fit-tieqa tat-trasferimenti li jmiss, biċ-champions Ewropej huma ‘ammiraturi kbar’ tal-ex player ta’ Ajax.
L-esperjenza ta’ De Ligt ma’ Juventus tista’ tintemm ħesrem fis-sajf li ġej, u se jkun meħtieġ ħlas ta’ €65m biex tiġi assigurata l-firma tiegħu, bil-ftehim tiegħu f’Turin jiskadi fl-2024.
Barcelona u Bayern Munich huma wkoll maħsuba li qegħdin fit-tellieqa għall-player ta’ 22 sena, li skorja sitt goals u pprovda żewġ assists fi 98 partita għal Juventus minn meta ngħaqad magħhom fl-2019.