Manchester United qed jitħajru jakkwistaw il-firma tad-difensur internazzjonali Olandiż Matthijs de Ligt. Dan tal-aħħar għandu 24 sena u ġej minn staġun ferm diżappuntanti ma’ Bayern Munich. L-eks plejer ta’ Ajax Amsterdam u Juventus jista’ jikkunsidra li jmur jilgħab f’Old Trafford minħabba li jerġa’ jsib miegħu lill-kowċ Erik Ten Hag li mexxieh proprju ma’ Ajax.
De Ligt jidher interessat f’dan kollu għalkemm qed iħalli kollox f’idejn l-aġent tiegħu sabiex joħodlu ħsieb dan it-trasferiment eventwali.
