Hekk kif Lazio ikkwalifikaw b’mod meritat fil-UEFA Champions League tal-istaġun li ġej, il-kowċ Maurizio Sarri talab lill-president Claudio Lotito sabiex jakkwistaw ħames plejers u jsaħħaħ diversi dipartimenti fil-grawnd.
Skont diversi ġurnali minn Ruma, Lazio qed iħarsu lejn il-possibbilta’ ta’ żewġ plejers offensivi u dawn huma Arkadiusz Milik ta’ Juventus u Giovanni Simeone ta’ Napoli.
Iż-żewġ profili qed jinteressaw lil Biancocelesti b’Simeone li hu ferm interessat għal din is-sejħa.
