Gzira United ….0
Melita …….……2
Minn Cristian Muscat
Hekk kif ġiet fi tmiemha l-Ewwel Fażi, Melita għelbu lil Gzira United bl-iskor ta’ 2-0, biż-żewġ goals jaslu wieħed f’kull taqsima.
B’din ir-rebħa, Melita telgħu fit-tielet post tal-Bottom Six u teżisti possibbiltá kbira li fi tmiem l-istaġun ma jkunux involuti fil-play-offs tar-relegation.
Intant, Melita għamlu l-intenzjonijiet tagħhom ċari mal-ftuħ tal-partita fejn fl-ewwel minuta Penha Da Costa ra t-tentattiv tieghu salvat mill-goalkeeper veteran tal-Maroons, Justin Haber.
Sitt minuti wara Haber reġa’ kien providenzjali għal Gzira meta salva xutt ta’ Yepez Morlets u fil-21 minuta Melita komplew ikunu perikolużi meta Alan Borg Olivier, reġa’ ra lil Haber isalva tajjeb.
Fil-25 minuta, Penha Da Costa qabeż lil Jurgen Pisani u żmarkat quddiem Haber ra t-tentattiv tiegħu jgħaddi jħakkek ma’ sieq il-wieqfa.
Gzira wieġbu għall-ewwel darba man-nofs siegħa logħob meta Thiago Espindola avvanza tajjeb fil-kaxxa bix-xutt tiegħu jiġi mblukkat mill-goalkeeper Lubik.
Minuta wara Melita meritatament fetħu l-iskor meta Matthew Debattista għadda tajjeb lejn ALAN BORG OLIVIER li avvanza fil-kaxxa u permezz ta’ xutt fil-baxx għeleb lil Haber.
Fl-64 minuta, Gżira resqu qrib li jiksbu d-draw b’xutt mid-distanza ta’ De Filippis li għadda ftit barra.
Għaxar minuti wara, Melita reġgħu kienu perikolużi meta minn azzjoni fuq il-lemin, Matthew Deattista kellu x-xutt tiegħu salvat minn Haber.
Fit-78 minuta Melita ssiġillaw ir-rebħa permezz tat-tieni goal meta f’azzjoni tajba maħduma ferm tajjeb bejn Penha Da Costa u Matthew Debattista, l-istess ANDRE PENHA DA COSTA minn taħt il-lasti tefa’ ġewwa.
GZIRA U.: 6-Justin Haber, 3-Gabriel Bohrer Mentz, 5-Enrico Pepe, 7-Thaylor Aldama, 11-Faysal Chouaib Hassany, 17-Jurgen Pisani (18-Colin Sammut 46), 19-Manuel De Filippis (99-Leon Borg 69), 22-Henrique De Santana Lira Douglas (12-Jamie Bartolo 90), 23-Farid Romero Zuniga (15-Izaak Ellul 46), 47-Brooklyn Borg, 93-Thiago Espindola De Paula – Coach: Giovanni Tedesco
MELITA: Aleksander Andrzej Lubik, Gareth Barone, Jean Pierre Attard, Andre Carlos Penha Da Costa (8-Antoine Attard 90), Matthew Debattista (18-Ensell Attard 90), Alan Borg Olivier (5-Michael Cachia 77), Marc Van De Font Bovenkamp, David Xuereb, Jesus Andres Yepez Morlets (7-Karl Mohnani 69), Nick Cutajar (23-Paul Galea Testaferrata 90), Henrique Marcelino Motta – Coach: Clive Mizzi
REFEREE: Daniel Casha
ASS. REFEREES: Jurgen Spiteri, Jareth Grima
RABA’ UFF: Jo-Anna Vassallo
SKORERS: A. Borg Olivier 31, A. C. Penha Da Costa 78 (M)
AMMONITI: T. Aldama, D. H. De Santana Lira (G), J. P. Attard, A. C. Penha Da Costa, J. A. Yepez Moriets, H. Marcelino Motta (M)
