Bħal-lum 15 ta’ Awwissu tas-sena 1973, il-grupp radikali Dalit Panthers Group organizza protesta li fiha ħadu sehem madwar 200 persuna. Id-Dalit kienu grupp ta’ persuni li kienu oppressati u mwarrba fis-sistema tal-Hindu. Il-protesta saret fit-toroq ta’ Mumbai. Il-grupp kien għadu kif ifforma madwar sena qabel u hu ġġieled għad-drittijiet tad-Dalits u kien ispirat mill-Black Panther Party tal-Istati Uniti.
Id-dimostrazzjoni li ħabtet mas-26 anniversarju tal-indipendenza Indjana, ingħata l-isem ta’ “Kala Swatantrya Din” li tfisser Jum l-Indipendenza l-Iswed.
