Il-President tal-Parlament Ewropew Roberta Metsola dalgħodu marret tivvota hekk kif fetħet il-votazzjoni bikrija għall-elezzjoni ġenerali.
Fil-kummenti tagħha hija qalet li għamlet dmirha bħala ċittadina Maltija u vvutat fl-elezzjoni ġenerali.
Fl-istess waqt hija ħeġġet lil kulħadd biex jagħmel użu minn dan id-dritt u jagħżel lir-rappreżentanti tiegħu.
Żiedet tgħid li l-ġlieda għal dan id-dritt li qed jagħmlu Ewropej viċin tagħna fl-Ukrajna, hi tfakkira li d-demokrazija rridu nsaħħuha kuljum.
