L-attakkant ta’ Liverpool, Mohamed Salah se jkun qed ifittex li jilħaq rekord tal-Premier League stabbilit minn Jamie Vardy meta l-Ħamis filgħaxija jilqgħu lil Newcastle United f’Anfield.
L-ex player ta’ Chelsea u Roma ilu f’forma mill-aqwa għar-Reds fl-istaġun 2021-22, u skorja 14-il goal u pprovda 11-il assist f’16-il partita tal-Premier League.
Minn mindu ma rnexxilux isib ix-xobka kontra Burnley fit-tieni logħba tal-istaġun, Salah jew skorja jew ipprovda assist f’kull waħda mill-aħħar 14-il logħba tat-team tiegħu fil-Premier League.
Jekk l-internazzjonali Eġizzjan jikkontribwixxi direttament għall-goal f’nofs il-ġimgħa, huwa jilħaq ir-rekord ta’ 15-il goal stabbilit minn Vardy ta’ Leicester City lura fl-2015.
Matul l-istaġun tar-rebħ tat-titlu tal-Foxes, Vardy skorja jew provda assist fi 15-il partita suċċessiva qabel ma rnexxilux isib ix-xibka kontra Liverpool f’Boxing Day.
Liverpool se jkunu qed jimmiraw ukoll li jilħqu tragward tal-football Ingliż f’nofs il-ġimgħa, bir-Reds bħalissa għandhom 1,999 rebħa fil-Premier League.
