Zabbar SP …….1
Mosta …………..2
Minn Cristian Muscat
Mosta dawru telfa f’rebħa drammatika ta’ 2-1 fuq Zabbar St Patrick biż-żewġ goals jaslu fil-ħin miżjud biex aċċertaw posthom fit-Top Six.
Min-naħa tagħhom iż- Żabbarin ma rnexxielhomx jagħmluha mal-ewwel sitta.
Kienu huma li ħarġu fuq l-offenisva u wara biss minuta xutt ta’ Brian Ariel Gambarte ġie salvat f’corner mill-goalkeeper, David Udoh Akpan. Fit-13-il minuta xutt ta’ Joao Tavares ġie salvat tajjeb mill-istess Akpan.
Zabbar komplew bl-assedju fuq il-lasti ta’ Mosta u fl-20 minuta, free-kick ta’ Keqi ġie salvat b’diffikultá mill-ġdid minn Akpan.
Fis-26 minuta is-Saints reġgħu heddew meta minn azzjoni ta’ corner, ix-xutt ta’ Keqi ġie mblukkat.
Man-nofs siegħa logħob waslet l-ewwel azzjoni denja ta’ Mosta meta minn cross ta’ Clayton Failla, Junior Eke minn taħt il-lasta għamel l-impossibbli u tefa’ barra,
Fl-aħħar mumenti tal-ewwel taqsima konklużjoni ta’ Souleymane Kone għal Mosta għaddiet tul il-lasta bl-ebda player ta’ Mosta ma’ jirnexxielu jagħmel kuntatt mal-ballun.
Fil-55 minuta, Zabbar fallew ċans tad-deheb li jmorru fil-vantaġġ meta minn azzjoni ta’ corner, is-sostitut David Oliveira Souza bir-ras ra lid-difensur ta’ Mosta, Sacha Cachia jsalva minn fuq il-linja fatal.
Fit-63 minuta, iż-Żabbarin fetħu l-iskor meta wara li rċieva minn cross mil-lemin, DIOGO JOAO TAVARES b’konklużjoni preċiża, tefa’ l-ballun fir-rokna tax-xibka.
Wara dan il-goal, Mosta ppruvaw jagħmlu reazzjoni iżda ż-Żabbarin laqgħu kull pressjoni … u meta kollox deher li dawn tal-aħħar kienu se joħorġu rebbieħa, fit-93 minuta Mosta kisbu d-draw meta f’azzjoni mibdija minn corner, kien is-sostitut STEPHEN CHIEMEZIE li rnexxielu jogħla fuq kulħadd u skorja bir-ras.
U d-drama kompliet meta minuta wara, Mosta skorjaw dak li kellu jkun il-goal tar-rebħa permezz ta’ EMMANUEL PRINCE CHIBUZOR bl-istess player jitkeċċa ftit tal-ħin wara flimkien mal-goalkeeper ta’ riserva ta’ Zabbar, Justin Haber.
Mal-goal inqalgħu inċidenti deplorevoli li ma jagħmlux ġieħ lill-football Malti li baqgħu sejrin anke wara s-suffara finali.
ZABBAR SP:1-Luca Camilleri, 5-Jake Micallef, 10-Brian Ariel Gambarte, 11-Stefan Ilic (99-David Oliveira Souza 46), 13-Zachary Grech, 19-Diogo Joao Tavares, 21-Strahinja Jovancic, 28-Vinicius De Paiva, 30-Kristian Keqi (17-Jurgen Pisani 64), 55-Dorde Jovicic, 95-Marcelo Barros Santos (8-Felix Wallace Bonilha 74) – Coach: Aniello Parisi
MOSTA: 22-David Udoh Akpan, 3-Matthew Bolanos Garcia, 4-Prince Afriyie (29-Stephen Chiemezie 75), 5-Sasha Cachia, 8-Junior Eke Chukwuemeka (6-James Arthur 67), 9-Souleymane Kone (30-Sunday Okereke 68), 10-Giancarlo Goncalves, 13-Clayton Failla, 21-Nathan Agius (7-Jamie Scerri 68), 26-Prince Emmanuel Chibuzor, 31-Joao Victor De Souza Teixeira – Coach: Joseph Grech
REFEREE: Slobodan Petrovic
ASS. REFEREES: Shaun Calleja, Robert Curtis
RABA’ UFF: Trustin Farrugia Cann
SKORERS: D. J. Tavares 63 (Z), S. Chiemezie 93, P. E. Chibuzor 94 (M)
AMMONITI: J. E. Chukwuemeka, S. Cachia, M. Bolanos Garcia (M), V. De Paiva (ZSP)
TKEĊĊEW: P. E. Chibuzor 94 (M), J. Haber 94 (ZSP)
