Meta fadal tliet tiġrijiet għat-tmiem tal-kampjonat tal-MotoGP ta’ din is-sena, Marc Marquez jista’ jiġi nkurunat champion tad-dinja tal-MotoGP fil-Grand Prix tal-Qatar fit-8 ta’ Novembru, jew aħjar fi tmiem il-ġimgħa li ġej.
Is-sewwieq ta’ Ducati għandu 399 punt, 44 aktar minn Jorge Martin u 67 aktar minn Marco Bezzecchi.
Biex jiżgura t-titlu f’Lusail, Marquez irid jikseb mill-inqas 30 punt aktar minn Martin, nhar il-Ħadd li ġej, filwaqt li jżid il-vantaġġ tiegħu għal 74 punt.
Dan ikun biżżejjed minħabba li għandu aktar rebħiet fi Grands Prix minn Martin u għalhekk jirbaħ it-titlu f’każ ta’ parità fil-punti.
