“Mur strieħ fis-sliem flimkien mal-għażiż żewġek li tant kont tħobb u mal-Mulej li mxejt warajh”. Iddikjara dan Fr Martin Micallef hekk kif qasam l-aħbar tat-telfa ta’ Rita Vella Borg.
Vella Borg għal bosta snin kienet Chairperson tal-Muscular Dystriohy Group u anke membru fil-Kunsill tad-Drittijiet tal-Persuni b’Diżabilità tas-CRPD.
Fr Micallef fakkar dwar kemm stinkat biex ġabet ‘l quddiem is-servizz tal-assistenti personali biex il-persuni b’diżabbiltà jistgħu jibqgħu jgħixu fi djarhom bl-appoġġ meħtieġ.
Il-Ministru għall-Inklużjoni, il-Volontarjat u d-Drittijiet tal-Konsumatur ukoll sellmet il-memorja ta’ Vella Borg.
