Waqt konferenza tal-aħbarijiet, fejn ġie inawgurat iċ-Ċentru tas-Saħħa tal-Gżira rinnovat, id-Deputat Prim Ministru u Ministru għas-Saħħa Chris Fearne fost l-oħarjn qal li kif diġà tħabbar mill-1 ta’ April, it-tiġijiet se jkunu jistgħu jsiru b’mod fejn il-mistiedna jkunu bilwieqfa sa massimu ta’ 300 ruħ.
“Issa, la jidher li s-sitwazzjoni baqgħet tajba ħafna, qegħdin nantiċipaw li mit-Tnejn 11 ta’ April l-avvenimenti bilwieqfa jistgħu jsiru prattikament mingħajr restrizzjonijiet.”
Żied jgħid li l-unika restrizzjoni se tkun li filwaqt li dawk l-avvenimenti bilwieqfa fuq barra jistgħu jattendu għalihom persuni kollha kemm imlaqqmin u dawk mhux imlaqqmin, avvenimenti bilwieqfa li jkunu ġewwa se jkunu limitati għal dawk b’ċertifikat tat-tilqim validu.
Il-purċissjonijiet tal-Ġimgħa l-Kbira se jkunu jistgħu jsiru b’mod normali sakemm isiru fuq barra. Dan jinkludi wkoll it-tiġijiet.
Aqra aktar x’intqal waqt l-istess konferenza:
- “Għandna l-ogħla rata fid-dinja ta’ persuni adulti li ħadu l-booster” – id-DPM
- Possibiltà li tfal fi klassijiet ma jkunux obbligati li jilbsu l-maskri wara l-vaganzi tal-Għid
- Imħabbra aktar rilaxx dwar il-perjodu tal-kwarantina għal dawk mhux imlaqqma
- Se jitnaqqsu wkoll xi perjodi ta’ kwarantina fejn jidħol l-ivvjaġġar
