Newcastle United ingħaqdu fit-tellieqa biex jiffirmaw lill-attakkant ta’ Paris Saint-Germain, Neymar, matul it-tieqa tat-trasferimenti ta’ dan is-sajf.
Il-player internazzjonali tal-Brażil ffirma biss kuntratt ġdid ma’ PSG f’Mejju li għadda, iżda kien hemm spekulazzjoni mifruxa dwar il-futur tiegħu fl-aħħar ġimgħat, bil-ġganti Franċiżi maħsuba li huma ħerqana li jbigħuh fis-suq tat-trasferimenti li ġej.
Manchester City u Barcelona t-tnejn ġew marbuta mal-player ta’ 30 sena, li skorja ħames goals u rreġistra ħames assists f’20 dehra f’livell ta’ club matul dan l-istaġun.
Madankollu, hemm ukoll interess ġenwin minn Newcastle, bil-Magpies jaraw ‘l-opportunità tad-deheb’ biex jiffirmaw lill-attakkant.
It-team immexxi minn Eddie Howe mistenni jonfoq bil-kbir matul it-tieqa tat-trasferimenti ta’ dan is-sajf, bil-club determinat li jakkwista xi players ta’ profil għoli biex isaħħaħ l-immaġni tagħhom.
Neymar skorja 92 goal u rreġistra 57 assist f’136 dehra għal PSG minn meta ngħaqad magħhom mingħand Barcelona f’Awwissu 2017.
Jingħad li l-ġganti Franċiżi qed jippreparaw biex ibigħuh lill-club li jagħmel l-aħjar offerta dan is-sajf u jemmnu li jkunu jistgħu jitolbu madwar €100m mingħand clubs interessati.
