Tottenham Hotspur u Juventus jistgħu jidħlu f’taqtiegħa għall-firma tal-midfielder ta’ Roma, Nicolo Zaniolo, matul it-tieqa tat-trasferimenti tas-sajf li ġej.
Il-player ta’ 24 sena kien f’forma impressjonanti għall-club Taljan tiegħu matul l-istaġun 2021-22, fejn skorja erba’ goals u rreġistra ħames assists f’26 dehra fil-kompetizzjonijiet kollha.
Huwa mifhum li d-diskussjonijiet dwar ftehim ġdid ma’ Roma waqfu, u kemm Tottenham kif ukoll Juventus huma ħerqana għall-firma tiegħu.
Jidher li d-direttur tal-football ta’ Spurs Fabio Paratici huwa ammiratur tal-midfielder, iżda Juventus huma wkoll ħerqana li jżommuh fl-Italja fis-sajf li ġej.
Zaniolo, li fadallu sentejn u nofs fil-ftehim eżistenti tiegħu f’Ruma, skorja 18-il goal u rreġistra 11-il assist f’95 dehra fil-kompetizzjonijiet kollha.
Tottenham ffirmaw kemm lil Rodrigo Bentancur kif ukoll lil Dejan Kulusevski mingħand Juventus fil-ġurnata tal-iskadenza tat-trasferimenti, b’tal-ewwel jasal b’kuntratt permanenti u l-ieħor b’self.
