Il-Jum Dinji għall-Għarfien dwar l-Awtiżmu jiġi osservat għada t-2 ta’ April. Dan il-jum jagħraf u jxerred l-għarfien għad-drittijiet tal-persuni bl-awtiżmu, il-kundizzjoni li tipikament tibda matul it-tfulija u tkompli fl-età adulta.
Kont taf li skont l-istatistiċi l-Autism Spectrum Disorder (ASD) huwa 4.3 darbiet aktar prevalenti fis-subien milli fil-bniet?
Jingħad li r-raġuni hija li l-bniet spiss ma jiġux dijanjostikati għax ma jaqblux mal-isterjotipi tal-awtiżmu u jaħbu s-sintomi aħjar mis-subien.
M’hemm l-ebda mod aħjar biex niċċelebraw dan il-jum milli nsiru aktar konxji tal-karatteristiċi tan-nies b’din il-kundizzjoni u nippromwovu l-qlubija.
L-Autism Spectrum Disorder huwa disturb tal-iżvilupp ikkaratterizzat minn imġiba u komunikazzjoni li jħallu impatt fuq il-kapaċità tal-persuna fl-interazzjonijiet soċjali u tikkawża wkoll imġieba ripetittiva u ristretta.
Il-Jum Dinji għall-Għarfien dwar l-Awtiżmu jiċċelebra r-reżiljenza ta’ dawk affettwati minn dan id-disturb u jappoġġja kawżi li jippromwovu l-għarfien dwaru.
It-tfal fl-iskejjel huma edukati dwar l-awtiżmu u mħeġġa biex jaċċettawha. Peress li t-tfal awtistiċi huma suġġetti għall-ibbuljar, huwa importanti ħafna li sħabhom ikunu tolleranti u inklużivi magħhom. Is-sinjali tal-awtiżmu kultant mhumiex daqshekk prevalenti, u huwa għalhekk li l-adulti (speċjalment il-ġenituri) għandhom ikunu wkoll edukati dwar din il-kwistjoni.
Saħansitra n-negozji lokali u ċ-ċentri tax-xiri għandu jkollhom għarfien dwar l-awtiżmu. Hekk kif illum il-ġurnata meta kważi kulħadd għandu aċċess għall-informazzjoni, għad hawn ħafna nies li ma jafux biżżejjed dwar l-awtiżmu u l-karatteristiċi tan-nies bl-awtiżmu.
Illum il-ġurnata, għalkemm ma teżistix kura jeżistu t-trattamenti għall-persuni bl-awtiżmu, li jistgħu jintlaħqu biss meta ssir dijanjosi tal-kundizzjoni! Billi nsiru konxji nistgħu ngħinu lill-oħrajn biex jagħmlu kuntatt ma’ speċjalisti u jibdew trattament li jista’ jżid il-benessri tagħhom.
In-nies bl-awtiżmu għandhom karatteristiċi, imġiba, gosti, u modi speċifiċi kif jagħmlu l-affarijiet. Iċ-ċavetta hija li nifhmu l-mod kif jaraw id-dinja u l-prestazzjoni tagħhom mingħajr ma nippruvaw inbiddluhom.
Nies bl-awtiżmu jistgħu jgħinu biex jagħmlu bidla fid-dinja – kull ma għandhom bżonn biex jirnexxu huwa trattament u appoġġ minn dawk ta’ madwarhom.
