Mara ta’ 76 sena residenti Ħal Luqa sofriet ġrieħi gravi wara li kienet involuta f’inċident tat-traffiku.
Dan seħħ illum għall-ħabta tas-1.00p.m. fi Triq il-Ġdida, Ħal Luqa.
Minn stħarriġ preliminari li sar irriżulta li raġel ta’ 78 sena residenti Ħal Luqa tilef il-kontroll ta’ Toyota Passo u ħabat ma’ bollard. Fil-vettura kien hemm il-mara ta’ 76 sena.
Huma ngħataw l-għajnuna minn tim mediku u l-mara ttieħdet l-Isptar Mater Dei b’ambulanza għall-kura u aktar tard, ġiet iċċertifikata li weġġgħet gravi.
L-investigazzjonijiet tal-Pulizija għadhom għaddejjin.
