Pietru Grixti, anzjan ta’ 75 sena residenti Ħal Safi, huwa l-vittma tal-inċident traġiku li seħħ dalgħodu għall-ħabta tas-7.30 fi sqaq fi Triq Wied iż-Żurrieq.
Mill-ewwel investigazzjonijiet irriżulta li t-trakk li kien qed juża l-vittma, għal xi raġuni mexa waħdu, bil-konsegwenza li Grixti nqabad bejn it-trakk u ħajt tas-sejjieħ.
Minkejja l-assistenza tal-Protezzjoni Ċivili u tim mediku, l-anzjan ġie ċċertifikat mejjet fuq il-post.
Dwar il-każ infetħet inkjesta maġisterjali, filwaqt li l-investigazzjonijiet tal-Pulizija għadhom għaddejjin.