Il-coach ta’ Bayern Munich, Vincent Kompany, irritorna fiċ-ċentru tat-taħriġ tal-club wara li kien iddaħħal l-isptar minħabba irritazzjoni tal-meninġi.
Il-Belġjan ta’ 40 sena kien ħassu ħażin waqt sessjoni ta’ taħriġ fit-23 ta’ Ottubru u kellu jqatta’ sitt ijiem l-isptar qabel kompla jirkupra d-dar.
Matul l-assenza tiegħu, l-assistant coach Aaron Danks ħa r-responsabbiltá tat-team.
Ir-ritorn ta’ Kompany huwa sinjal pożittiv, iżda għadu mhux ċar meta se jkun jista’ jerġa’ jmexxi t-taħriġ u jirritorna fuq il-bank tekniku.
Bayern qed jieħdu l-prekawzjonijiet kollha biex jiżguraw li l-coach jirkupra kompletament qabel jerġa’ lura għad-dmirijiet tiegħu.
