Il-player Messikan ta’ West Ham, Edson Alvarez, ġie akkużat li kien involut f’network li allegatament biegħ ċertifikati foloz tat-tilqim kontra l-Covid-19.
Allegatament intqal li Alvarez, Jonathan Toache u tabib kienu jmexxu skema li permezz tagħha nħarġu madwar 27,000 ċertifikat, bi ħlas ta’ $500 kull wieħed.
Dawn id-dokumenti allegatament intużaw biex persuni jkunu jistgħu jivvjaġġaw mingħajr ma jkunu tlaqqmu.
Madankollu, l-akkużi għadhom ma ġewx sostnuti minn evidenza pubblika u ma ġiet ikkonfermata ebda investigazzjoni uffiċjali.
Alvarez għadu ma wieġebx pubblikament għal dawn l-allegazzjonijiet serji li tqajmu kontrih dwar il-każ.
