Il-kowċ ta’ Tottenham Hotspur Ange Postecoglou qal li hemm ċans kbir li mhux se jġibu aktar plejers waqt dan is-suq tat-trasferimenti ta’ Jannar. Minkejja li d-diriġenti minn Londra qed jaħdmu bla heda, ma tantx hemm tama li jkun hemm xi akkwisti ġodda fis-sebat ijiem li ġejjin. S’issa huma ġabu plejer wieħed biss, il-winger mill-Korea t’Isfel Min-Hyeok Yang li għandu 18-il sena mingħand Gangwon FC.
Tottenham jinsabu fil-15-il post tal-klassifika b’24 punt biss minn 22 logħba fil-Premier League Ingliż.