Meta bdiet tintlagħab it-30 ġurnata tal-Premier League Ingliż, Arsenal naqqsu d-distakk għal disa’ punti fil-konfront tal-leaders Liverpool meta għelbu lil Fulham bl-iskor ta’ 2-1.
Iżda wara kwarta logħob, il-Gunners tilfu s-servizzi ta’ Gabriel meta sofra injury li se tħallih barra mill- konfront kontra Real Madrid fil-UEFA Champions League.
Huma fetħu l-iskor fis-37 minuta, minn xutt ta’ Mikel Merino li ġie devjat minn Jorge Cuenca.
Imbagħad, fit-73 minuta, huma rduppjaw hekk kif is-sostitut, Bukayo Saka, immarka r-ritorn tiegħu wara injury fit-tul, b’goal minn daqqa ta’ ras.
Fit-93 minuta, Rodrigo Muniz naqqas il-marġni tal-iskor għal Fulham.
Wolves v West Ham – Wolves għamlu pass ieħor lejn is-salvazzjoni meta għelbu lil West Ham 1-0.
Huma fetħu l-iskor b’xutt ta’ Jorgen Strand Larsen (21) minn tarf il-kaxxa.
Man-nofs siegħa logħob Wolves resqu viċin li jirduppjaw iżda Marshall Munetsi ġie mċaħħad mill- mimduda.
Nottm F. v Man Utd– Nottingham Forest saħħew it-tielet post b’rebħa ta’ 1-0 fuq Manchester United.
Huma ma setgħux kellhom bidu aħjar hekk kif wara biss ħames minuti huma fetħu l-iskor.
Minn corner tal-United, l-eks player tagħhom, Anthony Elanga, qabad il-ballun minn tarf il-kaxxa u b’azzjoni personali ġera 75 metru u meta daħal fil-kaxxa fajjar xutt li spiċċa fir-rokna tax-xibka.
Fit-30 minuta, Diego Dalot ġie mċaħħad mill-mimduda għall-United.