Qormi Daikin ikkonfermaw ruħhom bħala ċ-champions tal-Hockey 7s wara li fi tmiem il-ġimgħa li għaddiet għelbu lil Rabat 11-1 f’logħba li ntlagħbet fil-Kumpless tal-Hockey f’Kordin.
It-tim immexxi minn Steve Tanti għamel l-intenzjonijiet ċari sa mill-bidu u kellu lil Neil Spiteri Montebello, Bir Sandhu u Wyatt Magri awturi ta’ doppjetta kull wieħed.
Ayrton Falzon, Nicole Zammit, John Williams, Julian Zahra u Joseph Cuschieri komplew iżidu l-iskor għall-Qriema.
