Il-media Ingliża rrappurtat dwar is-sitwazzjoni ta’ Raphael Varane ma’ Manchester United bid-diriġenti tar-Red Devils li għad iridu jitkellmu mal-aġent tiegħu dwar estensjoni fil-kuntratt.
Attwalment Varane jiskadilu l-kuntratt f’Ġunju li ġej u jinsab xi ftit imħawwad x’għandu jagħmel. S’issa l-ebda tim ma mar għalih u għalhekk bħalissa qed jitkellem mal-aġent tiegħu dwar x’għandha tkun it-triq ‘il quddiem.
Varane għandu 30 sena u ilu mar-Red Devils sa mis-sena 2021 fejn lagħab 65 partita u skorja żewġ gowls.
