Saturday, December 4, 2021

Raġel iweġġa’ gravi wara li żviluppaw xi nirien f’residenza f’Raħal Ġdid

Aqra wkoll

Raġel ta’ 42 sena, residenti Bormla, sofra ġrieħi gravi wara li żviluppaw xi nirien f’residenza.

Il-każ seħħ illum għall-ħabta tal-10.00a.m. fi Triq tal-Borg, Raħal il-Ġdid.

Il-Pulizija marret immedjatament fuq il-post u minn investigazzjonijiet preliminari rriżulta li purtiera kienet ħadet in-nar. Fl-istess residenza kien hemm żewġ nisa, waħda ta’ 39 sena u anzjana ta’ 75 sena, li ma sofrewx ġrieħi.

Il-vittma ngħata l-għajnuna minn tim mediku, ittieħed l-Isptar Mater Dei b’ambulanza u aktar tard ġie ċċertifikat li weġġa’ gravi.

Membri mid-Dipartiment tal-Protezzjoni Ċivili kienu wkoll fuq il-post.

L-investigazzjonijiet tal-Pulizija għadhom għaddejjin.

Sport