Raġel mill-Indoneżija ta’ 40 sena weġġa’ serjament f’argument ma’ raġel ieħor mill-Indoneżja li għandu 30 sena.
Il-każ seħħ illum għall-ħabta tat-3.00p.m. f’residenza fi Triq William Lassal, il-Fgura.
Waqt l-argument allegatament intużaw oġġetti li jaqtgħu u bil-ponta.
Ir-raġel ta’ 40 sena ngħata l-għajnuna minn tim mediku, ittieħed l-Isptar Mater Dei b’ambulanza u aktar tard ġie ċċertifikat li weġġa’ serjament.
Bil-każ ġiet infurmata l-Maġistrat tal-Għassa Astrid May Grima li fetħet inkjesta filwaqt li l-investigazzjonijiet tal-Pulizija għadhom għaddejjin.
